EBM News Telugu

ఆఫీసుల్లో ఏసీ బంద్.. టేబుల్ ఫ్యాన్స్ తీసుకెళ్తున్న ఉద్యోగులు: ఏసీ కావాలంటే ఇది తప్పనిసరి

0

కరోనా మహమ్మారి వ్యాప్తి చెందకుండా కంపెనీలు, ఉద్యోగులు సహా ప్రతి ఒక్కరు జాగ్రత్తలు తీసుకుంటున్నారు. సామాజిక దూరం పాటించడం, శానిటైజేన్ వంటి చేస్తున్నారు. సెంట్రలైజ్డ్ ఎయిర్ కండిషన్స్ కరోనా వైరస్ వ్యాప్తి చెందే ప్రమాదం ఉందని చెబుతున్నారు. దీంతో లాక్ డౌన్ ఆంక్షలు క్రమంగా ఎత్తివేస్తున్న నేపథ్యంలో వివిధ సంస్థలు తమ కార్యాలయాల్లో సెంట్రల్ ఏసీకి బదులు ఫ్యాన్లు, కిటికీలు తెరవడం వంటి జాగ్రత్తలు తీసుకుంటున్నాయి.

వివిధ కంపెనీలు, సంస్థలు తమ కార్యాలయాల్లో సాధ్యమైనంత మేరకు ఏసీలు ఉపయోగించకపోవడం మంచిదిగా భావిస్తున్నాయి. ఎండాకాలం కారణంగా అవసరమైతే టేబుల్ ఫ్యాన్స్, సీలింగ్ ఫ్యాన్స్, కిటికీలు తెరవడం.. మరీ అవసరమైతే ఏసీని ఉపయోగిస్తే వైరస్‌ను నివారించేందుకు వీలుగా అల్ట్రా వయోలెట్ జెర్మిసైడ్ ఎరాడికేషన్ డివైజ్ ఉపయోగించే అంశాన్ని పరిశీలిస్తున్నాయి. ఈ డివైజ్ ఏర్పాటు ఖర్చుతో కూడుకున్నది. అయినా వైరస్‌ను అరికడుతుందనే గ్యారెంటీ కనిపించడం లేదు.

కరోనా వ్యాప్తిని నిరోధించేందుకు అన్ని సంస్థలు కూడా తమ కార్యాలయాల్లో శానిటైజర్లు ఏర్పాటు చేయడంతో పాటు సామాజిక దూరం పాటించే చర్యలు చేపట్టాలి. నిన్నటి వరకు వైట్ కాలర్ ఉద్యోగులు ఏసీ లేకుంటే కార్యాలయాల్లో పని చేయని పరిస్థితి. ఇప్పుడు ఏసీలు లేని కార్యాలయాల్లో పని చేయడం లేదా ఖర్చుతో కూడిన ఏసీ గదుల్లో పని చేయాల్సిందే! ఎయిర్ ఫ్లో ద్వారా కరోనా వ్యాప్తి చెందే ప్రమాదం ఉన్న నేపథ్యంలో కార్యాలయాలలో కొన్ని మార్పులు వస్తున్నాయి.

Leave A Reply

Your email address will not be published.