EBM News Telugu

ఇండియాలో రికార్డ్ స్థాయిలో కరోనా కేసులు.. గత 24 గంటల్లో 6088 కొత్త కేసులు

0

ఇండియాలో కరోనా కేసులు రోజు రోజుకు పెరిగిపోతున్నాయి. కోవిడ్ -19 మహమ్మారి భారతదేశంలో చాప క్రింద నీరులా విస్తరిస్తుంది. ఇక దీంతో మొత్తం కేసుల సంఖ్య ఇప్పుడు 1,18,447 గా ఉన్నాయి. భారతదేశంలో కరోనా వ్యాప్తి చెందడంతో మరణించిన వారి సంఖ్య 3,583. మహారాష్ట్ర, తమిళనాడు, గుజరాత్, మరియు ఢిల్లీలలో అత్యధిక కేసులు నమోదయ్యాయి.

గతంలో ఎప్పుడూ లేనంతగా కరోనా కేసులు పెరిగిపోవడం భారతీయులకు ఆందోళన కలిగిస్తోంది. గత వారం రోజులుగా కేసులు విపరీతంగా పెరిగిపోతున్నాయి. కేసులు పెరుగుతున్న సమయంలో సడలింపులు ఇవ్వడం కేసులు పెరిగేందుకు మరొక కారణం అవుతున్నది అనడంలో ఎలాంటి సందేహం లేదు . అన్ని రాష్ట్రాలలోనూ ఆర్ధిక పరిస్థితి దారుణమైన సంక్షోభానికి గురవుతున్న నేపధ్యంలో లాక్ డౌన్ సడలింపులు ఇస్తున్నారు . ఇక ఈ క్రమంలో ఎవరికి వారు వ్యక్తిగత రక్షణా చర్యలు చేపట్టాలని చెప్తున్నారు. కానీ పరిస్థితి మాత్రం అందుకు భిన్నంగా ఉంది. లాక్ డౌన్ సడలింపుల నేపధ్యంలో కరోనా కేసులు విపరీతంగా పెరిగిపోతున్నాయి.

ఇక మహారాష్ట్రలో అత్యధిక కరోనా కేసులు నమోడుయ్యాయి. రాష్ట్రంలో పాజిటివ్ కేసుల సంఖ్య 41 వేల 642కి చేరింది. ముంబైలో అత్యధిక కేసులు నమోదు కావటంతో దేశ ఆర్ధిక రాజధాని కరోనా కోరల్లో చిక్కుకుంది . ఇక గత 24 గంటల్లో దేశ రాజధాని ఢిల్లీలో 660 కేసులు నమోదయ్యాయి, మొత్తం మొత్తం రాజధానిలో కేసుల సంఖ్య 12,319 కు చేరుకుంది; ఇక మరణాలు 208గా ఉంది . ఆరోగ్య, కుటుంబ సంక్షేమ మంత్రిత్వ శాఖ విడుదల చేసిన గణాంకాల ప్రకారం ఉత్తరప్రదేశ్‌లో శుక్రవారం ఉదయం 8 గంటల వరకు 340 కొత్త కరోనావైరస్ కేసులు నమోదయ్యాయి. ఇది రాష్ట్రంలో మొత్తం కరోనావైరస్ కేసుల సంఖ్య 5,515 కు చేరుకుంది. ఇక బాధితుల్లో 3,204 మంది కోలుకున్నారు మరియు 138 మంది మరణించారు.

Leave A Reply

Your email address will not be published.