EBM News Telugu

ఇప్పటికీ ధోనీనే నెంబర్ వన్ వికెట్ కీపర్.. తొందరపడి తొలగించొద్దు: కైఫ్

0

న్యూఢిల్లీ: టీమిండియా మాజీ కెప్టెన్, సీనియర్ వికెట్ కీపర్ మహేంద్రసింగ్ ధోనీపై మాజీ క్రికెటర్ మహ్మద్ కైఫ్ ప్రశంసల జల్లు కురిపించాడు. ఇప్పటికీ ధోనీనే నెంబరవన్ వికెట్ కీపర్ అని కొనియాడాడు. జార్ఖండ్ డైనమైట్ భవితవ్యంపై తీవ్ర చర్చ జరుగుతున్న వేళ్ల.. అతన్ని జట్టు నుంచి తప్పించవద్దని సూచించాడు. మహీ స్థానాన్ని ఎవరూ భర్తీ చేయలేరని చెప్పుకొచ్చాడు.

అంతేకాకుండా యువ బ్యాట్స్‌మన్ కేఎల్ రాహుల్ కేవలం బ్యాకప్ కీపర్ మాత్రమేనని, ప్రధాన కీపర్ గాయపడ్డప్పుడు, ఆటగాళ్ల వర్క్ లోడ్ సమన్వయం చేసే క్రమంలో మాత్రమే అతను వికెట్ల వెనుకాల ఉంటాడని ఈ మాజీ క్రికెటర్ అభిప్రాయపడ్డాడు.

గతేడాది వరల్డ్‌కప్ అనంతరం ఆటకు దూరమైన మహీ.. సుమారు ఎలాంటి క్రికెట్ ఆడలేదు. ఈ క్రమంలో బీసీసీఐ సెంట్రల్ కాంట్రాక్టును కోల్పోయాడు. అప్పుడే ధోనీ కెరీర్‌పై భిన్నాభిప్రాయాలు వ్యక్తమయ్యాయి. కానీ రవిశాస్త్రి వంటి మాజీ క్రికెటర్లు.. ధోనీ ఐపీఎల్‌‌లో సత్తా చాటి భారత జట్టులోకి రీ ఎంట్రీ ఇస్తాడని తెలిపాడు. దానికి తగ్గట్టే ధోనీ కూడా చెన్నై నిర్వహించిన ప్రాక్టీస్ క్యాంప్‌లో చెమటోడ్చాడు. కానీ కరోనా పుణ్యమా లీగ్ వాయిదా పడటంతో ధోనీ భవిష్యత్తు ప్రశ్నార్థకంగా మారింది. ఈ నేపథ్యంలో మహ్మద్ కైఫ్ టైమ్స్ ఆఫ్ ఇండియాకు ఇచ్చిన ఇంటర్వ్యూలో జార్ఖండ్ డైనమైట్ భవితవ్యంపై స్పందించాడు.

Leave A Reply

Your email address will not be published.