EBM News Telugu

డబ్ల్యూహెచ్‌వోకు ట్రంప్ ఫైనల్ వార్నింగ్- నెలరోజుల డెడ్ లైన్- లేకపోతే నిధులన్నీ కట్..

0

ప్రపంచ దేశాలను కుదిపేస్తున్న కరోనా వైరస్ ను కట్టడి చేసేందుకు ప్రపంచ ఆరోగ్య సంస్ధ తీసుకుంటున్న చర్యలను అమెరికా అధ్యక్షుడు డొనాల్డ్ ట్రంప్ మరోసారి తప్పుబట్టారు. ప్రపంచ ఆరోగ్య సంస్ధ చర్యలు సంతృప్తి కరంగా లేవని ట్రంప్ మరోసారి మండిపడ్డారు. నెల రోజుల్లో పరిస్ధితిని చక్కదిద్దకపోతే పూర్తిగా నిధులు నిలిపేస్తానని ఫైనల్ వార్నింగ్ ఇచ్చారు.

ప్రపంచ వ్యాప్తంగా అన్ని దేశాలను కుదిపేస్తున్న కరోనా మహమ్మారిని నియంత్రించడంలో ప్రపంచ ఆరోగ్య సంస్ధ దారుణంగా విఫలమైందని ట్రంప్ మరోసారి ఘాటుగా విమర్శించారు. ప్రపంచ ఆరోగ్య సంస్ధ కరోనా కట్టడికి తీసుకుంటున్న చర్యలు సంతృప్తికరంగా లేవని ఆరోపిస్తూ తాజాగా ట్రంప్ ఓ లేఖ రాశారు. ఇందులో కరోనా విషయంలో ప్రపంచ ఆరోగ్య సంస్ద తీరును తీవ్రంగా తప్పుబట్టారు. ప్రపంచ ఆరోగ్య సంస్ధ చర్యలు ఇలాగే ఉంటే నెల రోజుల్లో అమెరికా తరఫున ఇస్తున్న నిధులన్నీ నిలిపివేస్తానని ట్రంప్ హెచ్చరించారు.

చిరకాల ప్రత్యర్ధి చైనా మీద తనకున్న కోపాన్ని తీర్చుకునే విషయంలో ఏ చిన్న అవకాశం దక్కినా వదిలిపెట్టని ట్రంప్.. ఈసారి డబ్ల్యూహెచ్‌వో లక్ష్యంగా విమర్శలకు దిగుతున్నారు. ఈసారి డబ్ల్యూహెచ్‌వో డైరెక్టర్ జనరల్ టెడ్రాస్ కు రాసిన లేఖలోనూ ట్రంప్ మరోమారు చైనాపై కోపాన్ని వెళ్లగక్కారు. కరోనా వైరస్ పై ప్రపంచదేశాలను అప్రమత్తం చేయడంలో చైనాతో పాటు ప్రపంచ ఆరోగ్య సంస్ధ కూడా దారుణంగా విపలమయ్యాయని ట్రంప్ ఆరోపించారు. ప్రపంచ ఆరోగ్య సంస్ధ వైఫల్యాలకు పలు కారణాలను ట్రంప్ తన లేఖలో ప్రస్తావించారు. ప్రపంచ ఆరోగ్య సంస్ధ పదేపదే చేస్తున్న తప్పిదాలతో ప్రపంచ దేశాలన్నీ మూల్యం చెల్లించుకోవాల్సి వస్తోందని ట్రంప్ తన లేఖలో తీవ్ర ఆరోపణలకు దిగారు. ఇప్పటికైనా చైనా కబంధ హస్తాల నుంచి బయటికి వచ్చి స్వేచ్ఛగా వ్యవహరించాలని ట్రంప్ సూచించారు.

Leave A Reply

Your email address will not be published.