EBM News Telugu

విమానం ఎక్కాలంటే.. ఈ మార్గదర్శకాలు తప్పక పాటించాల్సిందే!

0

న్యూఢిల్లీ: మే 25న విమానయాన సేవలు తిరిగి ప్రారంభం కానున్న నేపథ్యంలో ఎయిర్ పోర్టు అథారిటీ ఆఫ్ ఇండియా(ఏఏఐ) దేశీయ ప్రయాణాలకు కీలక మార్గదర్శకాలను విడుదల చేసింది. కరోనా లాక్‌డౌన్ కారణంగా సుమారు రెండు నెలలపాటు విమానయాన సేవలు నిలిచిపోయిన విషయం తెలిసిందే.

మే 25న విమానయాన సేవలు ప్రారంభమవుతుండటంతో ఏఏఐ గురువారం స్టాండర్డ్ ఆపరేటింగ్ ప్రోసీజర్‌ను విడుదల చేసింది. విమానంలో ప్రయాణించే సమయంలో పాటించాల్సిన జాగ్రత్తలు, నిబంధనలను ఇందులో పేర్కొంది. ప్రయాణికులు ఖచ్చితంగా ఆరోగ్యసేతు యాప్ డౌన్‌లోడ్ చేసుకుని, థర్మల్ స్క్రీనింగ్ చేసుకోవాలని స్పష్టం చేశారు.

విమానాల్లోనూ భౌతిక దూరం పాటించేందుకు మధ్య సీట్లను వదిలేస్తారని వచ్చే వార్తల్లో నిజం లేదనిఏఏఐ తెలిపింది. అలా సీట్లను ఖాళీగా వదిలేస్తే విమాన టికెట్ల ధరలు పెరిగే అవకాశం ఉన్నందున దానిపై చర్చించి నిర్ణయం తీసుకుంటామని వెల్లడించింది. విమానయాన సంస్థలు సీట్ల మధ్యలో గ్లాస్ షీట్ల లాంటివి ఏర్పాటు చేయాలని సూచించింది.

విమానాశ్రయాల్లో కాంటాక్ట్ లెస్ టికెట్లు ఏర్పాటు చేసే దిశగా చర్యలు తీసుకుంటున్నట్లు అధికారులు తెలిపారు. టికెట్ పై బార్ కోడ్ సాయంతో ప్రయాణికులన అనుమతించే విధంగా చూస్తున్నట్లు చెప్పారు. విమానాశ్రయాల్లో ప్రతి చోట భౌతిక దూరం పాటించేలా చర్యలు తీసుకుంటున్నామని, దానికి సంబంధించి అన్ని ఏర్పాటు పూర్తి చేశామని తెలిపారు.

Leave A Reply

Your email address will not be published.