EBM News Telugu

వ్యవసాయానికి భారీ ప్యాకేజీ… కేంద్ర మంత్రి నిర్మలా సీతారామన్ ప్రకటన..

0

ప్రధానమంత్రి నరేంద్ర మోదీ ప్రకటించిన రూ.20 లక్షల కోట్ల ఆర్థిక ప్యాకేజీకి సంబంధించిన మూడో విడుత వివరాలను కేంద్ర ఆర్థిక మంత్రి నిర్మలా సీతారామన్ ప్రకటించారు. ఈ రోజు ప్రధానంగా వ్యవసాయం, వ్యవసాయ అనుబంధ రంగాలు, మత్స్య సంపద, వన సంపద, పశు సంపద, ఫుడ్ ప్రాసెసింగ్ యూనిట్ల వంటి అంశాలకు ప్రాధాన్యం ఇచ్చారు. మొత్తం 11 అంశాలను వివరించారు. అందులో 8 వ్యవసాయం, ఇతర రంగాలకు సంబంధించిన మౌలిక వసతుల కల్పన, రవాణా వంటివి. మిగిలిన మూడు పరిపాలనా పరమైన సంస్కరణలను ప్రకటించారు.

వ్యవసాయ ఉత్పత్తులను కొనుగోలు చేసేవారు, వాటిని స్టోరేజ్ చేసుకోవడానికి, ధాన్యం కోతల తర్వాత ప్రాసెసింగ్ చేసుకోవడానికి, వ్యవసాయ సంబంధిత మౌలిక వసతుల కల్పన కోసం రూ.లక్ష కోట్లను ఆర్థికమంత్రి నిర్మలా సీతారామన్ ప్రకటించారు. ధాన్యాన్ని నిల్వ చేయడానికి, కొనుగోలు చేసి ఎగుమతులు చేసే వారికి ఇది ఉపయోగపడనుంది.

ఫుడ్ ప్రాసెసింగ్ యూనిట్ల కోసం రూ.10వేల కోట్లను కేంద్ర మంత్రి నిర్మలా సీతారామన్ ప్రకటించారు. స్థానిక కంపెనీలకు ప్రాధాన్యం ఇస్తారు. మహిళలకు మరింత ప్రాధాన్యం ఉంటుంది. హెల్త్, వెల్ నెస్, న్యూట్రిషన్, హెర్బల్, ఆర్గానిక్ ఉత్పత్తుల ప్రాసెసింగ్ చేసే వారికి లబ్ధి జరగనుంది. దీని ద్వారా 2 లక్షల సంస్థలకు లబ్ధి జరుగుతుంది.

Leave A Reply

Your email address will not be published.