Mahesh Babu: అప్పుడు జంటగా.. ఇప్పుడు పాట కోసం.. మహేష్‏తో స్పెషల్ సాంగ్ చేయనున్న బాలీవుడ్ బ్యూటీ.. – Telugu News | Actress Kiara Advani Special song with Mahesh Babu in Guntur Karam Movie telugu cinema news

సూపర్ స్టార్ మహేష్ బాబు ప్రస్తుతం తన ఫ్యామిలీతో కలిసి వెకేషన్‏లో ఉన్న సంగతి తెలిసిందే. తన కుటుంబంతో కలిసి గడుపుతున్న ఫోటోస్ ఎప్పటికప్పుడు నెట్టింట షేర్ చేస్తూ ఫాలోవర్లకు టచ్ లో ఉన్నారు. వెకేషన్ తర్వాత మహేష్.. తిరిగి గుంటూరు కారం సినిమా చిత్రీకరణలో పాల్గొననున్నారు. మాటల మాంత్రికుడు త్రివిక్రమ్ దర్శకత్వం వహిస్తోన్న ఈ సినిమా కోసం ఫ్యాన్స్ ఆసక్తిగా వెయిట్ చేస్తున్నారు.ఇందులో మీనాక్షి చౌదరీ, శ్రీలీల కథానాయికలుగా నటిస్తున్నారు. చాలా కాలంగా షూటింగ్ జరుపుకుంటున్న ఈ మూవీ ఇప్పుడు చివరి దశలో ఉన్నట్లుగా తెలుస్తోంది. ఇక గతంలో విడుదలైన టీజర్ తో మూవీపై మరింత హైప్ నెలకొంది. అయితే ఈ సినిమా గురించి అనేక రూమర్స్ నెట్టంట చక్కర్లు కొట్టాయి. కానీ వీటిపై ఇప్పటివరకు చిత్రయూనిట్ స్పందించలేదు. తాజాగా ఈ సినిమా గురించి ఓ ఇంట్రెస్టింగ్ న్యూస్ వినిపిస్తోంది.

గుంటూరు కారం చిత్రంలో ఓ స్పెషల్ సాంగ్ ఉండనుందట. అందులో మహేష్ తోపాటు.. బాలీవుడ్ బ్యూటీ కియారా అద్వానీ స్టెప్పులేయనుందని టాక్. గతంలో వీరిద్దరు కలిసి భరత్ అనే నేను సినిమాలో నటించారు. ఈ మూవీ సూపర్ హిట్ అయినప్పటికీ కియారా తెలుగులో అంతగా అవకాశాలు రాలేదు. ప్రస్తుతం గేమ్ ఛేంజర్ చిత్రంలో నటిస్తోన్న కియారా.. ఇప్పుడు మరోసారి మహేష్ బాబు చిత్రంలో కనిపించనుంది. మాస్ యాక్షన్ నేపథ్యంలో రాబోతున్న ఈ చిత్రంలో మహేష్, కియారా మధ్య వచ్చే స్పెషల్ సాంగ్ హైలెట్ కానుందని సమాచారం.

ఇదిలా ఉంటే.. మహేష్ బాడీ లాంగ్వేజ్ కు సరిపడే సరికొత్త స్టోరీతో త్రివిక్రమ్ ఈ సినిమా కథను ప్లాన్ చేశాడట. తెలుగుతోపాటు.. తమిళ్, కన్నడ, మలయాళం, హిందీలో రిలీజ్ చేసేందుకు చిత్రయూనిట్ ప్లాన్ చేస్తుందట. ఈ సినిమాను హారిక అండ్ హాసిని క్రియేషన్స్ భారీ ఎత్తున నిర్మిస్తోంది. వచ్చే ఏడాది ఈ మూవీ అడియన్స్ ముందుకు రానుంది. గుంటూరు కారం తర్వాత మహేష్ డైరెక్టర్ రాజమౌళి దర్శకత్వంలో నటించనున్నారు.

మరిన్ని సినిమా వార్తల కోసం ఇక్కడ క్లిక్ చేయండి.