కేశినేని నాని విజయవాడ నుంచి ఇండిపెండెంట్ గా పోటీ ? 

posted on Jan 6, 2024 9:13AM

వచ్చేదఫా టికెట్ రాదని తేలిపోవడంతో విజయవాడ ఎంపీ కేశినేని నాని టీడీపీకి రాజీనామా చేస్తున్నట్టు ప్రకటించారు. చంద్రబాబుకి తన అవసరం లేదు అని భావించిన తర్వాత కూడా తాను ఆ పార్టీలో కొనసాగడం కరెక్ట్ కాదంటూ ఆయన స్టేట్ మెంట్ ఇచ్చారు. త్వరలో ఢీల్లీ వెళ్లి ఎంపీ పదవికి రాజీనామా చేసి, ఆ తర్వాత టీడీపీకి కూడా రాజీనామా చేస్తాను అని  కేశినేని నాని  ప్రకటించారు. రాజకీయాలలో పెద్దగా అనుభవం లేని నాని అక్టోబరు 26, 2008న ప్రజారాజ్యం పార్టీలో చేరి  తనరాజకీయ  ప్రస్థానం ప్రారంభించారు.  ఆయన కేవలం 3 నెలలు మాత్రమే  ఆ పార్టీలో కొనసాగారు. ఆ తర్వాత తెలుగుదేశం పార్టీలో చేరారు .2014 సార్వత్రిక ఎన్నికలలో తెలుగుదేశం పార్టీ నుండి విజయవాడ లోక్‌సభ నియోజకవర్గం నుండి పార్లమెంటు సభ్యునిగా ఎన్నికయ్యారు మరియు 2019లో అదే నియోజకవర్గం నుండి తిరిగి ఎన్నికయ్యారు.లోక్‌సభలో ప్రస్తుతం ఇండియన్ కౌన్సిల్ ఆఫ్ మెడికల్ రీసెర్చ్ కమిటీ సభ్యుడు గా నాని కొనసాగుతున్నారు. కేశినేని ట్రావెల్స్ వ్యాపారంలో ఉన్న నాని 2018లో ఆ వ్యాపారానికి ఫుల్ స్టాప్ పెట్టారు. కేశినేనినానికి రాజకీయ ప్రత్యర్థులు ఎవరూ లేనప్పటికీ ఆయన సోదరుడు కేశినేని చిన్నితో ముదిరిన విభేధాల కారణంగానే టిడిపి ని వీడాల్సి వచ్చింది. తన వాహనం నకిలీ స్టిక్కర్ అతికించుకుని చిన్ని విజయవాడ హైద్రాబాద్ మధ్య తిరుగుతోందని గతంలో కేశినేని నాని పోలీసులకు ఫిర్యాదు చేశారు. చిన్ని భార్య పేరు మీద ఉన్న ఈ వాహనం మీద  తన  అధికార ఎంపీ వాహనానికి సంబంధించి నకిలీ స్టిక్కర్ తగిలించినట్లు నాని కంప్లైట్. ఈ వివాదం చిలికి చిలికి గాలి వానగా మారింది.‘‘ కేశినేని  నాని నాకు స్వంత అన్నయ్య. శత్రువు కాదు అని అన్నయ్య గెలుపు కోసం కృషి చేస్తా ’’ అని చెబుతూనే టిడిపి ఆదేశిస్తే విజయవాడ ఎంపీగా పోటీ చేస్తానని కేశినేని చిన్ని ప్రకటించారు. కేశినేని నాని కూడా అదేతరహా స్టేట్ మెంట్ ఇచ్చినప్పటికీ సడెన్ గా టిడిపికి గుడ్ బై చెప్పడం చర్చనీయాంశమైంది. విజయవాడ పార్లమెంటు నియోజకవర్గంలోని ఏడు అసెంబ్లీ నియోజకవర్గంలో కేశినేని నానికి  గట్టి పట్టు ఉంది. తనకు ఇతర రాజకీయ పార్టీల నుంచి  బోలెడు ఆఫర్లు  వచ్చినప్పటికీ కష్టాలలో ఉన్నప్పుడు టిడిపిని అంటిపెట్టుకుని ఉన్నానని అన్నారు. ఒక ప్లయిట్ కాకపోతే ఇంకో ఫ్లయిట్ ఎక్కుతాను . ఏ ప్లయిట్ ఎక్కకపోతే  స్వంత జె ట్ ఫ్లయిట్ ఎక్కుతానని  నిన్న మీడియా సమావేశంలో సంకేతాలిచ్చారు. ఆయనను గతంలో సంప్రదించిన పార్టీలను సంప్రదిస్తారా లేదా ఇండిపెండెంట్ గా పోటీ చేస్తారా  అనేది తేలాల్సి ఉంది.