Fighter : ఓటీటిలోకి వచ్చేస్తున్న హృతిక్ రోషన్ ఫైటర్ మూవీ.. స్ట్రీమింగ్ ఎక్కడంటే..?
బాలీవుడ్ స్టార్ హీరో హృతిక్ రోషన్ నటించిన ఫైటర్ మూవీ భారీ హైప్ తో ఈ ఏడాది జనవరి 25న విడుదలైంది. ఈ చిత్రం ఈ ఏడాది రిపబ్లిక్ డే కు ఒక్క రోజు ముందు ప్రేక్షకుల ముందుకు వచ్చింది.ఏరియల్ యాక్షన్ థ్రిల్లర్ మూవీగా వచ్చిన ఫైటర్ మూవీ ప్రేక్షకుల నుండి పాజిటివ్ టాక్ తెచ్చుకుంది. సిద్ధార్థ్ ఆనంద్ దర్శకత్వం వహించిన ఈ చిత్రం భారీ వసూళ్లను దక్కించుకుంది.ఫైటర్ సినిమాలో హృతిక్ రోషన్ సరసన దీపికా పదుకొణ్ హీరోయిన్‍గా నటించారు. ఈ మూవీలో అనిల్ కపూర్, కరణ్ సింగ్, అక్షయ్ ఒబెరాయ్, రిషబ్ సాహ్నీ, అషుతోశ్ రాణా, గీతా అగర్వాల్ మరియు తలాత్ అజీజ్ కీలకపాత్రలు పోషించారు. అయితే ఫైటర్ సినిమా ఓటీటీలోకి ఎప్పుడొస్తుందా అని చాలా మంది ప్రేక్షకులు ఎంతగానో ఎదురుచూస్తున్నారు. నెట్‍ఫ్లిక్స్ ఓటీటీ ప్లాట్‍ఫామ్ ఈ మూవీ డిజిటల్ స్ట్రీమింగ్ హక్కులను దక్కించుకుంది.
అయితే, ఫైటర్ మూవీ మార్చి 21వ తేదీన స్ట్రీమింగ్‍కు రానుందని సమాచారం.నెట్‍ఫ్లిక్స్ ఓటీటీలో మార్చి 21వ తేదీనే ఫైటర్ అడుగుపెడుతుందనే వార్తలు వినిపిస్తున్నాయి.అయితే, దీనికి ఇంకా మూడు రోజుల సమయమే ఉన్నా.. ఇప్పటి వరకు స్ట్రీమింగ్ డేట్‍పై అధికారిక ప్రకటన వెల్లడికాలేదు. అయితే, ఈ చిత్రం సడెన్‍గానే స్ట్రీమింగ్‍కు వస్తుందనే వాదన వినిపిస్తోంది.షారుఖ్ ఖాన్ హీరోగా నటించిన ‘డంకీ’ సినిమా గత డిసెంబర్‌లో థియేటర్లలో రిలీజ్ అయింది. ఈ మూవీ ఈ ఏడాది ఫిబ్రవరి 15వ తేదీన నెట్‍ఫ్లిక్స్ ఓటీటీలో స్ట్రీమింగ్‍కు వచ్చింది. అయితే, అప్పుడు ఎలాంటి ముందస్తు ప్రచారం లేకుండా డంకీ చిత్రం నెట్‍ఫ్లిక్స్‌లో సడెన్‍గా వచ్చింది.ఇప్పుడు ఫైటర్ మూవీ కూడా డంకీ ను ఫాలో అవుతుందని సమాచారం . ముందుగా పెద్ద ప్రచారం లేకుండా మార్చి 21న నెట్‍ఫ్లిక్స్ ఓటీటీలో ఫైటర్ స్ట్రీమింగ్‍కు రానుందని టాక్ వినిపిస్తోంది. మరి ఫైటర్ మూవీ ఓటీటి స్ట్రీమింగ్ విషయంలో ఏం జరుగుతుందో చూడాలి.