Parasakthi Tittle issue solved – NTV Telugu
ఇద్దరు స్టార్ హీరోలు ఒకేరోజు ఒకే పేరుతో సినిమాలు అనౌన్స్ చేయడం హాట్ టాపిక్ అయిన సంగతి తెలిసిందే. కోలీవుడ్ యంగ్ హీరో శివ కార్తికేయన్ 25వ సినిమా టైటిల్ ‘పరాశక్తి’ అని ప్రకటించాడు. అదే రోజున విజయ్ ఆంటోనీ హీరోగా నటిస్తున్న మరో సినిమాకి కూడా పరాశక్తి అనే పేరుని టైటిల్ ఫిక్స్ చేస్తూ అనౌన్స్మెంట్ వచ్చింది. ఈ ఇద్దరు హీరోలకు ఇది 25వ సినిమానే. కానీ ఒకే టైటిల్ తో రెండు సినిమాలను ప్రకటించడం సినీ వర్గాల్లో దుమారం రేపింది.
విజయ్ ఆంటోని చిత్రానికి తమిళంలో శక్తి తిరుమగన్, తెలుగులో పరాశక్తి అనే టైటిల్స్ పెట్టారు. సుధా కొంగర దర్శకత్వంలో శివకార్తికేయన్ హీరోగా నటిస్తున్న సినిమాకు కూడా ఇదే టైటిల్ పెట్టారు. అధర్వ, రవి మోహన్, శ్రీలీల ప్రధాన పాత్రల్లో నటిస్తున్న ఈ చిత్రం టీజర్‌ కూడా రిలీజ్ చేశారు. దీంతో ఈ రెండు సినిమా టీమ్స్ మధ్య టైటిల్ పంచాయితీ ఏర్పడింది. అదే సమయంలో తెలుగులో విజయ్ ఆంటోని పరాశక్తి టీమ్ తమ సినిమా టైటిల్ గత ఏడాది జూలైలో రిజిస్టర్ చేయబడిందని తెలిపారు. అయితే 73 ఏళ్ల క్రితం తమిళంలో విడుదలైన పరాశక్తి చిత్రం ఇప్పటికీ తమిళ సినీ అభిమానుల ఆదరణ పొందుతోంది. ఈ చిత్రాన్ని ఏవీఎం సంస్థ నిర్మించింది. ఈ సందర్భంలో శివకార్తికేయన్ సినిమాకి పరాశక్తి టైటిల్‌ను ఇస్తున్నామని AVM ప్రొడక్షన్ కంపెనీ ప్రకటించింది. ఫైనల్‌గా ‘పరాశక్తి’ టైటిల్ శివ కార్తికేయన్‌కు ఇస్తూ ఇతర భాషల్లో తాను వేరే టైటిల్ పెట్టుకోవడానికి విజయ్ ఆంటోనీ ఒప్పుకున్నాడు. దింతో టైటిల్ వివాదం అలా ముగిసింది.