Upcoming 5G Smartphones November 2025: OnePlus 15, OPPO Find K9, iQOO 15, Realme GT 8 Pro & More
- కొత్త స్మార్ట్ఫోన్ కొనాలనుకుంటున్నారా?
- నవంబర్‌లో లాంచ్ అయ్యే లిస్ట్ ఇదే
- నవంబర్ 18న ఒప్పో ఫైండ్ కే9 సిరీస్ లాంచ్
- నవంబర్ 13న వన్‌ప్లస్‌ 15 సిరీస్ లాంచ్
అక్టోబర్ నెల ముగిసింది. గత నెలలో ఎన్నో అద్భుత స్మార్ట్‌ఫోన్‌లు రిలీజ్ అయ్యాయి. నవంబర్ మాసంలో కూడా టెక్ ప్రియులు పండగ చేసుకోనున్నారు. ఎందుకంటే టాప్ బ్రాండ్లు స్మార్ట్‌ఫోన్‌లు (కొత్త ఫ్లాగ్‌షిప్, మిడ్-రేంజ్ స్మార్ట్ఫోన్) విడుదల కానున్నాయి. OnePlus, OPPO, iQOO, Realme.. కంపెనీలు ఈ నెలలో కొత్త స్మార్ట్‌ఫోన్‌లను లాంచ్ చేయబోతున్నాయి. నవంబర్‌లో ఏ స్మార్ట్‌ఫోన్‌లు విడుదల కాబోతున్నాయో, వాటి ఫీచర్లు ఏమిటో తెలుసుకుందాం.
OnePlus 15:
వన్‌ప్లస్‌ 15 సిరీస్ నవంబర్‌లో లాంచ్ కానుంది. లీకర్ పరాస్ గుగ్లానీ ప్రకారం..15 6.78-అంగుళాల LTPO AMOLED డిస్‌ప్లే, స్నాప్‌డ్రాగన్ 8 ఎలైట్ జెన్ 5 ప్రాసెసర్, 120W ఫాస్ట్ ఛార్జింగ్‌కు మద్దతుతో పెద్ద 7300mAh బ్యాటరీని కలిగి ఉంటుంది. ఈ ఫోన్ 50MP ట్రిపుల్ కెమెరా సెటప్‌ను కలిగి ఉంటుంది. గ్లోబల్ లాంచ్ నవంబర్ 12న, భారతదేశంలో నవంబర్ 13న జరగనుంది.
OPPO Find K9:
ఒప్పో ఫైండ్ కే9 సిరీస్ నవంబర్ 18న లాంచ్ కానుంది. ఈ స్మార్ట్ఫోన్ 6.78-అంగుళాల LTPO AMOLED డిస్‌ప్లేను కలిగి ఉంటుంది. MediaTek Dimensity 9500 చిప్‌సెట్ ద్వారా రన్ అవుతుంది. 200MP పెరిస్కోప్ టెలిఫోటో లెన్స్ ఉంటుంది. 7025mAh బ్యాటరీ 80W వైర్డు, 50W వైర్‌లెస్ ఫాస్ట్ ఛార్జింగ్‌కు మద్దతును పొందుతుంది.
iQOO 15:
ఐకూ 15 నవంబర్ 25న ప్రపంచవ్యాప్తంగా లాంచ్ అయ్యే అవకాశం ఉంది. ఇది 7000mAh బ్యాటరీ, 100W ఫాస్ట్ ఛార్జింగ్‌ను కలిగి ఉంటుంది. స్నాప్‌డ్రాగన్ 8 ఎలైట్ జెన్ 5 ప్రాసెసర్, మూడు 50-మెగాపిక్సెల్ కెమెరాలను కలిగి ఉండనుంది.
Realme GT 8 Pro:
రియల్‌మీ జీటీ 8 ప్రో ఫోన్ స్నాప్‌డ్రాగన్ 8 ఎలైట్ చిప్‌సెట్, 2K రిజల్యూషన్ డిస్‌ప్లే, 144Hz రిఫ్రెష్ రేట్‌తో లాంచ్ అవనుంది. ఈ ఫోన్ గేమింగ్, అధిక పనితీరు గల వినియోగదారుల కోసం వస్తోంది. నథింగ్ ఫోన్ 3a లైట్, లావా అగ్ని 4 5G కూడా రిలీజ్ కానున్నాయి.