AP CM Jagan: అన్నమయ్య, కడప జిల్లాల్లో సీఎం జగన్ పర్యటన
AP CM Jagan: ఈ నెల 9, 10 తేదీల్లో సీఎం వైఎస్‌ జగన్ అన్నమయ్య, కడప జిల్లాల్లో పర్యటించనున్నారు. ఈ నెల 9న ఉదయం 10 గంటలకు తాడేపల్లి నుంచి ముఖ్యమంత్రి బయలుదేరనున్నారు. ఉదయం 12 గంటలకు సీఎం జగన్ రాయచోటి చేరుకోనున్నారు. మండలి డిప్యూటీ ఛైర్మన్ కుమారుడు వివాహ వేడుకకు సీఎం జగన్ హాజరుకానున్నారు. మాజీ ఎంపీపీ ఇంట్లో వివాహ వేడుకకు ముఖ్యమంత్రి హాజరుకానున్నారు. మధ్యాహ్నం 1.30కి సీఎం పులివెందుల చేరుకోనున్నారు. పులివెందులలో శ్రీ కృష్ణా టెంపుల్‌ ప్రారంభ వేడుకల్లో సీఎం పాల్గొననున్నారు. అనంతరం స్వామి నారాయణ గురుకుల పాఠశాలకు ముఖ్యమంత్రి శంకుస్థాపన చేయనున్నారు. పులివెందులలో పలు అభివృద్ధి కార్యక్రమాల్లో సీఎం జగన్ పాల్గొననున్నారు. రాత్రికి ఇడుపులపాయలో సీఎం రాత్రి బస చేయనున్నారు.
ఈ నెల 10న ఉదయం 9 గంటల ప్రాంతంలో ఆర్కే వ్యాలీ, జమ్మలమడుగు పోలీస్ స్టేషన్లను సీఎం జగన్ ప్రారంభించనున్నారు. అనంతరం రెండున్నర గంటల పాటు వేముల మండల స్థానిక ప్రజాప్రతినిధులతో ముఖ్యమంత్రి సమావేశం కానున్నారు. మధ్యాహ్నం 12.30కు కడప విమానాశ్రయం నుంచి తాడేపల్లికి సీఎం జగన్ తిరుగు ప్రయాణం కానున్నారు.