EBM News Telugu

బ్యూటీషియన్ సిరి ఆత్మహత్య .. అనుమానాలెన్నో?

8,272

బుధవారం సాయంత్రం రేపల్లె‌లో బ్యూటీషియన్ సిరి అనే యువతి ఆత్మహత్యకు పాల్పడిన విషయం తెలిసిందే. తాను పనిచేస్తోన్న డూ అండ్‌ డై బ్యూటీ పార్లర్‌లో ఆమె ఆత్మహత్య చేసుకుంది. అయితే ఈ కేసులో పలు అనుమానాలు రేకెత్తుతున్నాయి. అత్యాధునిక హంగులతో ఉన్న ఆరు ఏసీ గదుల్లో పురుషులు, మహిళలకు ఒకే చోట పార్లర్‌ను నిర్వహించడంతో అసలు అక్కడ ఏం జరుగుతుందో తెలియని పరిస్థితులు నెలకొన్నాయన్న విమర్శలు వస్తున్నాయి. తెలంగాణ యాదాద్రి జిల్లా వలిగొండ మండలం రెడ్లరేపాక గ్రామానికి చెందిన దంతూరి యాదయ్య, ఊర్మిళల కుమార్తె సిరి. డిగ్రీ చదువుతున్న సిరి కుటుంబ ఆర్థికపరిస్థితి అంతంత మాత్రంగా ఉండటంతో మధ్యలో చదువుకు స్వస్తిచెప్పి బ్యూటీషియన్‌ కోర్సు చేసింది. అనంతరం హైదరాబాద్‌లోని డూ అండ్ డై బ్యూటీపార్లర్‌లో కొద్దిరోజులు పనిచేసి, ఇటీవలే రేపల్లె చేరుకుంది. బుధవారం ఉదయమే హైదరాబాద్ నుంచి వచ్చిన సిరి, అదే రోజు సాయంత్రం ఆత్మహత్యకు పాల్పడింది.

తమ కుమార్తె ఆత్మహత్య విషయం తెలిసి రేపల్లెకు చేరుకున్న తల్లిదండ్రులు ఆమె మృతదేహాన్ని చూసి బోరున విలిపించారు. అయితే, జరిగిందేదో జరిగింది.. పోయిన బిడ్డ తిరిగి రాదని నచ్చజెప్పిన కొందరు వారికి రూ.2.25 లక్షలు ఇచ్చినట్టు సమాచారం. ఇంతటి ఘోరం జరిగినా పార్లర్‌ నిర్వాహకురాలు గానీ, సిరితో కలిసి పని చేసిన అమ్మాయిలు ఒక్కరూ అక్కడకు రాకపోవడం పలు అనుమానాలకు తావిస్తోంది. సిరి మృతదేహానికి స్థానిక ఆరోగ్య కేంద్రంలో పోస్టుమార్టం నిర్వహించి కుటుంబసభ్యులకు అప్పగించారు. దీనిపై రేపల్లె సీఐ పెంచలరెడ్డి మాట్లాడుతూ.. యువతి మృతిపై అన్ని కోణాల్లో దర్యాప్తు చేస్తున్నామని తెలిపారు. మరోవైపు స్నేహితులకు కులాంతర వివాహం జరిపించడమే సిరి, ఆమె స్నేహితుడు వెంకటేశం ఆత్మహత్యకు పాల్పడ్డారనే వాదన వినిపిస్తోంది.

రెడ్లపాకకు చెందిన కడారి వెంకటేశం, స్వాతిరెడ్డిలకు గత కొంతకాలంగా ప్రేమలో ఉన్నారు. వీరి ప్రేమను పెద్దలు అంగీకరించకపోవడంతో వారికి తెలియకుండా జూన్ 18 న పెళ్లి చేసుకున్నారు. ఈ పెళ్లికి సిరి, మరో యువకుడు వెంకటేశం సహకరించారు. వరంగల్ లక్ష్మీనరసింహ స్వామి ఆలయంలో వివాహం జరిగిన తర్వాత, జూన్ 19 న వలిగొండ పోలీసులను ఆశ్రయించారు. ఇద్దరూ మేజర్లు కావడంతో తల్లిదండ్రులకు పోలీసులు కౌన్సెలింగ్ చేసి పంపించారు. అయితే కులాలు వేరుకావడంతో స్వాతిరెడ్డి తండ్రి పాపిరెడ్డి ఈ పెళ్లికి సహకరించిన సిరి, వెంకటేశంను బెదరించడంతోనే ఒత్తిడికి గురై ఆత్మహత్య చేసుకున్నారని వారి బంధువులు ఆరోపిస్తున్నారు.

Leave A Reply

Your email address will not be published.