ఘోర రోడ్డు ప్రమాదం.. డ్రైవర్, క్లీనర్ సజీవ దహనం.. ఏలాగంటే..
పశ్చిమగోదావరి జిల్లాలో ఘోర రోడ్డు ప్రమాదం చోటుచేసుకుంది. జాతీయ రహదారిపై ఓ లారీ అదుపుతప్పి రోడ్డు పక్కనే ఉన్న చెట్టును ఢీకొనడంతో డ్రైవర్, క్లీనర్ సజీవదహనమైన దారుణ ఘటనిది. పూర్తి వివరాల్లోకి వెళితే.. పశ్చిమగోదావరి జిల్లా పెంటపాడు మండలం అల్లారం జాతీయ రహదారిపై స్పిరిట్ లారీ వెళుతోంది. లాక్‌డౌన్ సమయం కావడం వల్ల రహదారిపై ఏలాంటి వాహనాలు లేకపోవడంతో నిర్మానుష్యంగా ఉంది. దీంతో డ్రైవర్ లారీని అతివేగంగా నడపడం వల్లో.. నిద్ర మత్తు తెలియదు గానీ ఒక్కసారిగా లారీ అదుపుతప్పింది. రహదారి పక్కనే ఉన్న ఓ చెట్టుకు ఢీకొట్టింది. ఆ లారీ స్పిరిట్ లోడుతో వెళ్తుండడం వల్ల ఒక్కసారిగా చెట్టును ఢీకొట్టడంతో మంటలు చేలరేగాయి. లారీలో ఉన్న డ్రైవర్, క్లీనర్‌లు తప్పించునేందుకు వీలు లేకుండా పోయింది. దీనికితోడు క్షణాల్లో మంటలు పెద్దఎత్తున వ్యాపించడంతో డ్రైవర్, క్లీనర్‌లు ఇద్దరు సజీవదహనమయ్యారు.