Devil: డెవిల్ మూవీ క్రేజీ అప్డేట్.. ప్రేక్షకుల ముందుకు వచ్చేది ఎప్పుడంటే – Telugu News | Kalyan Ram’s Devil movie is slated to release on September 24

హిట్లు, ఫ్లాప్ లతో సంబంధం లేకుండా వరుసగా సినిమాలు చేస్తున్నారు నందమూరి కళ్యాణ్ రామ్. బ్యాక్ టు బ్యాక్ సినిమాలు చేస్తున్న కళ్యాణ్ రామ్ త్వరలో డెవిల్ అనే సినిమా చేస్తున్నారు. హిట్ కోసం చాలా కష్టపడుతున్నారు కళ్యాణ్ రామ్. కమర్షియల్ సినిమాలతో పాటు  ప్రయోగాత్మక సినిమాల్లోనూ నటించి మెప్పించారు కళ్యాణ్ రామ్. ఈ మధ్య కాలంలో బింబిసార సినిమాతో మంచి విజయాన్ని అందుకుంది. ఆతర్వాత చేసిన అమిగోస్ సినిమా ఆశించిన స్థాయిలో ఆకట్టుకోలేక పోయింది. అమిగోస్ సినిమాలో త్రిపాత్రాబినయం చేశారు కళ్యాణ్ రామ్. ఇక ఇప్పుడు డెవిల్ అనే మరో వైవిధ్యమైన సినిమాతో ప్రేక్షకుల ముందుకు రాబోతున్నాడు. ఈ సినిమాకు ‘ది బ్రిటీష్‌ సీక్రెట్‌ ఏజెంట్‌’ అనేది క్యాప్షన్.

కళ్యాణ్ రామ్..

నందమూరి కళ్యాణ్ రామ్ చైల్డ్ ఆర్టిస్ట్ గాను నటించి మెప్పించారు. బాలకృష్ణ నటించిన బాల గోపాలుడు సినిమాలో నటించారు కళ్యాణ్ రామ్. ఆతర్వాత తొలిచూపులోనే అనే సినిమాతో హీరోగా ఎంట్రీ ఇచ్చారు ఆతర్వాత ఆయన వరుస సినిమాలు చేసి ఆకట్టుకున్నారు. 2005లో వచ్చిన అతనొక్కడే అనే సినిమాతో తొలి సూపర్ హిట్ అందుకున్నాడు కళ్యాణ్ రామ్. ఆతర్వాత 2015లో వచ్చిన పటాస్ సినిమాతో బ్లాక్ బస్టర్ హిట్ అందుకున్నాడు. ఆతర్వాత మళ్లీ ఫ్లాప్ లు పలకరించాయి. 2022లో వచ్చిన బింబిసార సినిమాతో హిట్ కొట్టారు. ఇక ఇప్పుడు డెవిల్ గా రానున్నాడు కళ్యాణ్ రామ్.

డెవిల్

నవీన్ మేడారం దర్శకత్వంలోతెరకెక్కుతోన్న డెవిల్ సినిమాలో సంయుక్త మీనన్ హీరోయిన్ గ నటిస్తుంది. డెవిల్ మూవీని నవంబరు 24న ప్రపంచవ్యాప్తంగా గ్రాండ్ గా రిలీజ్ చేయనున్నారు. ఈ సినిమాలో బ్రిటీష్‌ సీక్రెట్‌ ఏజెంట్‌గా కనిపించనున్నారు కళ్యాణ్ రామ్. ఇప్పటికే ఈ సినిమానుంచి విడుదల చేసిన పోస్టర్స్ ఆకట్టుకున్నాయి. అలాగే ఈ మూవీ గ్లింప్స్ సినిమా పై అంచనాలను పెంచేసింది. పిరియాడికల్ డ్రామా కావడంతో విజువల్స్ పరంగా ఆకట్టుకుంది. అప్పటి పరిస్థితులను అద్భుతంగా చూపించారు. ఈ సినిమాలో అంతుచిక్కని ఓ రహస్యాన్ని ఛేదించే బ్రిటీష్‌ సీక్రెట్‌ ఏజెంట్‌ గా కళ్యాణ్ రామ్ ఏం చేస్తారు అన్నది చూడాలి. ఈసినిమా ఖచ్చితంగా హిట్ అవుతుందని అంటున్నారు నందమూరి ఫ్యాన్స్. ఈ సినిమా తర్వాత బింబిసార 2 ఉండే అవకాశం ఉంది.

Meet the #Devil On Nov 24! pic.twitter.com/lBFUxDPAwI

— Kalyanram Nandamuri (@NANDAMURIKALYAN) August 6, 2023

మరిన్ని ఎంటర్టైన్‌మెంట్ వార్తల కోసం ఇక్కడ క్లిక్ చేయండి..