Prabhas-Kalki 2898AD: ప్రభాస్ కల్కి చిత్రం వాయిదా ?.. వార్తలపై క్లారిటీ ఇచ్చిన డైరెక్టర్ నాగ్ అశ్విన్.. – Telugu News | Director Nag Ashwin Gives Clarity on Kalki 2898AD movie postponed telugu cinema news

యంగ్ రెబల్ స్టార్ ప్రభాస్ నటిస్తోన్న భారీ బడ్జెట్ చిత్రాల కోసం ఫ్యాన్స్ ఎంతో ఆసక్తిగా ఎదురుచూస్తున్నారు. కొన్నాళ్లుగా ఆయన నటించిన సినిమాలు వరుసగా రిలీజ్ అయినప్పటికీ అంతగా మెప్పించలేకపోయాయి. దీంతో డార్లింగ్ ఫ్యాన్స్ తీవ్ర నిరాశలో ఉన్నారు. దీంతో.. ఇప్పుడు ప్రభాస్ చేతిలో ఉన్న మెయిన్ ప్రాజెక్ట్స్ సలార్, ప్రాజెక్ట్ కె (కల్కి 2898AD) సినిమాలపైనే ఆశలు పెట్టుకున్నారు. ఇటీవల ఈ సినిమాల నుంచి విడుదలైన గ్లింప్స్ సైతం అంచనాలను మరింత పెంచేశాయి. సలార్.. పూర్తిగా మాస్ యాక్షన్ మూవీగా రాబోతుండగా.. కల్కీ సైన్స్ ఫిక్షన్ మూవీగా రాబోతుంది. మొదటిసారి ప్రభాస్ ఇలాంటి నేపథ్యమున్న మూవీలో నటిస్తుండడంతో ఈ సినిమాపై క్యూరియాసిటి నెలకొంది. భారీ తారాగణంతో రూపొందుతున్న ఈ మూవీపై ఇప్పటికే హైప్ నెలకొనగా.. కొద్ది రోజులుగా ఈ మూవీ గురించి ఆసక్తికర విషయాలు నెట్టింట చక్కర్లు కొడుతున్నాయి. ఈ సినిమా రిలీజ్ వాయిదా పడనుందనే ప్రచారం జరుగుతుంది. తాజాగా ఈ వార్తలపై స్పందించారు డైరెక్టర్ నాగ్ అశ్విన్.

తాజాగా ఓ ప్రముఖ మీడియా ఇంటర్వ్యూలో పాల్గొన్న నాగ్ అశ్విన్ ఈ విషయంపై మాట్లాడుతూ.. కల్కి షూటింగ్ ఇంకా కొంచెం మిగిలి ఉంది. దానిని కూడా త్వరలోనే కంప్లీట్ చేస్తాం. ప్రస్తుతం నా ఫోకస్ మొత్తం దానిపైనే ఉంది. అది పూర్తయ్యాక విడుదల తేదీ గురించి ఆలోచిస్తాం. ఒక మంచి రోజు చూసుకుని దీని గురించి ప్రకటిస్తాను. ఈ సినిమాలో అందరూ ఓ కొత్త ప్రపంచాన్ని చూస్తారు. ఇప్పటివరకు ప్రభాస్ ను ఇలాంటి లుక్ లో కనిపించలేదు. అందుకోసమైనా అడియన్స్ ఈ మూవీ కచ్చితంగా చూడాలి. థియేటర్ కు వచ్చిన వారంతా కొత్త అనుభూతి పొందుతారు” అంటూ చెప్పుకొచ్చారు.

ఇవే కాకుండా.. ఈ సినిమాను రెండు భాగాలుగా తెరకెక్కిస్తున్నారని.. మొదటి పార్ట్ ను మే 9న రిలీజ్ చేయనున్నారని టాక్ నడుస్తోంది. అలాగే వీఎఫ్ఎక్స్ వర్క్ సైతం చాలా సమయం తీసుకోనుందని వార్తలు వస్తున్నాయి. ఈ నేపథ్యంలో నాగ్ అశ్విన్ క్లారిటీ ఇచ్చారు. ఈ సినిమాలో బాలీవుడ్ స్టార్ అమితాబ్ బచ్చన్, దీపికా పదుకొణె, దిశా పటానీ కీలకపాత్రలలో నటిస్తున్నారు. అలాగే లోకనాయకుడు కమల్ హాసన్ ఈ మూవీలో ముఖ్య పాత్రలో నటిస్తుండడంతో ఈ సినిమాపై మరింత హైప్ పెరిగింది. వచ్చే ఏడాది సంక్రాంతికి ఈ చిత్రాన్ని రిలీజ్ చేస్తామని ప్రకటించారు మేకర్స్. కానీ అలా కాకుండా మొదటి పార్ట్ ను మే 9న రిలీజ్ చేయనున్నారని టాక్ వినిపిస్తోంది. అయితే దీనిపై ఎలాంటి అఫీషియల్ ప్రకటన రాలేదు.

Still a long way to go…but carrying all this good energy back..thank you guys.. 🙏 #Kalki2898AD https://t.co/RVoWrev44u

— Nag Ashwin (@nagashwin7) July 21, 2023

మరిన్ని సినిమా వార్తల కోసం ఇక్కడ క్లిక్ చేయండి.