Kejriwal: జైల్లో ఉన్న కేజ్రీవాల్ మరో సందేశం.. ఏమి చెప్పారంటే..!

మద్యం కుంభకోణంలో తీహార్ జైలులో ఉన్న అరవింద్ కేజ్రీవాల్ సందేశాన్ని ఆయన సతీమణి సునీతా కేజ్రీవాల్ ప్రజలకు చేరవేస్తున్నారు. ఈ క్రమంలో.. మంగళవారం కేజ్రీవాల్ భార్య సునీత తీహార్ జైలులో అరవింద్ కేజ్రీవాల్‌ను కలిశారు. కేజ్రీవాల్ తన భార్య ద్వారా మరోసారి సందేశం పంపారు. ముఖ్యమంత్రి రెండు సందేశాలపై మంత్రి గోపాల్ రాయ్ బుధవారం విలేకరులతో మాట్లాడారు. అరవింద్ కేజ్రీవాల్ మాకు రెండు సందేశాలు అందించారని ఆప్ నేత పేర్కొన్నారు.

Arvind Kejriwal: కేజ్రీవాల్కు సుప్రీంకోర్టులో ఎదురుదెబ్బ..

కేజ్రీవాల్ తొలి సందేశం
ప్రతికూల పరిస్థితుల్లోనూ పార్టీ, ప్రభుత్వం ఢిల్లీ ప్రజలకు సేవ చేస్తూనే ఉంటాయని తొలి సందేశంలో పేర్కొన్నట్లు గోపాల్ రాయ్ తెలిపారు. ప్రజలకు ఎలాంటి ఇబ్బందులు కలగకూడదని, ఎమ్మెల్యేలు, పార్టీ కార్యకర్తలు అందరూ సుఖ దుఃఖంలో ప్రజల వెంటే ఉండాలన్నారు. ఈ ప్రతికూల పరిస్థితుల్లో మీకు వీలైనంత సహాయం చేయండని చెప్పినట్లు తెలిపారు.

రెండో సందేశం
రెండవ సందేశానికి సంబంధించి గోపాల్ రాయ్ మాట్లాడుతూ.. జైల్లో ఉన్న ఈ నియంతృత్వ ప్రభుత్వం యొక్క అన్ని రకాల అడ్డంకులు, దౌర్జన్యాలను సహించడానికి మేము సిద్ధంగా ఉన్నామని, అయితే ఈ దేశ రాజ్యాంగాన్ని రక్షించడం చాలా ముఖ్యమైన విషయం అని కేజ్రీవాల్ అన్నారు. మన ప్రజాస్వామ్యానికి ముప్పు పొంచి ఉంది. కాబట్టి, పార్టీ ఏప్రిల్ 14వ తేదీని అంటే డాక్టర్ భీమ్ రావ్ అంబేద్కర్ జయంతిని రాజ్యాంగాన్ని రక్షించండి, నియంతృత్వ దినాన్ని దేశం అంతటా నిర్వహించాలని కోరారు.

కేజ్రీవాల్ సలహా మేరకు ఏప్రిల్ 14 న రాజ్యాంగ నిర్మాత బీఆర్ అంబేద్కర్ జయంతి సందర్భంగా ‘సంవిధాన్ బచావో.. తనషాహీ హటావో దివస్’(Samvidhan Bachao,Tanashahi Hatao Divas) ను పాటించనున్నట్లు ఆమ్‌ ఆద్మీ పార్టీ ప్రకటించింది.