EBM News Telugu

నిజామాబాద్: స్థల వివాదం.. మహిళను కాలితో తన్నిన ఎంపీపీ

7,466

ఆయనో ప్రజా ప్రతినిధి. బాధ్యతగల ఎంపీపీ. నలుగురికి మంచి చెడు చెప్పాల్సిన వ్యక్తి ఓ మహిళపై కోపంతో ఊగిపోయాడు. కాలుతో తన్ని వివాదంలో చిక్కుకున్నారు. నిజామాబాద్ జిల్లాలో ఈ ఘటనకు సంబంధించిన వీడియో హాట్‌టాపిక్‌గా మారింది. ఇందల్ వాయి వద్ద జాతీయ రహదారి పక్కనే గోపికి చెందిన 1125 గజాల స్థలం ఉంది. దాన్ని గౌరారంకు చెందిన రాజవ్వ కుటుంబం కొనుగోలు చేసింది. రిజిస్ట్రేషన్‌ తర్వాత ఎంపీపీ గోపి అదనంగా డబ్బులు అడిగాడని ఆమె ఆరోపిస్తోంది. అలాగే ఆయన తన ఇంట్లో సామాను బయటపడేశాడని చెబుతోంది.

స్థల వివాదం ఉండటంతో.. ఇవాళ ఆమె తమ బంధువులతో కలిసి ఎంపీపీ ఇంటి ముందు నిరసనకు దిగింది. ఈ క్రమంలో రాజవ్వ బంధువులు-ఎంపీపీ ఇమ్మడి గోపి మధ్య వాగ్వాదం జరిగింది. ఆమె ఆగ్రహంతో చెప్పుతో గోపీపై దాడి చేసే ప్రయత్నం చేసింది. వెంటనే ఆమెను అడ్డుకున్న ఎంపీపీ.. రాజవ్వను కాలు తీసుకొని గుండెలపై తన్నాడు. దీంతో ఆమె కిందపడిపోయింది. తర్వాత బాధితురాలి బంధువులు ఎంపీపీని అక్కడి నుంచి పక్కకు తోసేశారు. ఈ సీన్ మొత్తాన్ని అక్కడే ఉన్న కొంతమంది మొబైల్‌లో రికార్డ్ చేశారు.

కొంతకాలంగా గోపి తమను బెదిరిస్తున్నారని బాధితురాలు ఆరోపిస్తోంది. తన కొడుకులకు ఏం జరిగినా ఎంపీపీదే బాధ్యతని.. కలెక్టర్, పోలీసులు, ఎమ్మెల్యేను కలిసి సమస్యని వివరించామన్నారు. అయినా తమకు అన్యాయం జరిగిందని ఆవేదన వ్యక్తం చేసింది.

Leave A Reply

Your email address will not be published.