EBM News Telugu

రమణ దీక్షితులు పోరాటానికి మద్ధతు: పవన్

8,627

శ్రీవారి ఆభరణాల విషయంలో జనసేన అధినేత పవన్ కళ్యాణ్ మరోసారి ట్విట్టర్ వేదికగా గురువారం (జూన్ 21) ప్రభుత్వంపై విమర్శలు గుప్పించారు. ఆభరణాల విషయంలో రమణ దీక్షితులు ఇంతకాలం ఎందుకు మౌనంగా ఉన్నారంటూ.. ప్రశ్నించడం ద్వారా విషయాన్ని పక్కదారి పట్టించడానికి ప్రయత్నించకండి. ఆయన మౌనం, ఆభరణాల చోరీ అనేవి వేర్వేరు సమస్యలుగా పరిగణించాలని ప్రభుత్వాన్ని కోరారు. ఒకపక్క మీడియా ఈ విషయాన్ని వెలుగులోకి తేవాలని ప్రయత్నిస్తుంటే.. ప్రభుత్వం మాత్రం వెనకడుగు వేస్తోందని విమర్శించారు. ఈ వివాదం నుంచి టీడీపీ సురక్షితంగా బయటపడాల్సిందిగా కోరారు.

ఈ వివాదంలో టీడీపీ, వైఎస్సార్ కాంగ్రెస్ పార్టీలు ఎలా స్పందిస్తున్నాయనేది ప్రజలందరూ చూస్తున్నారు. తిరుమలేశుని ఆభరణాలను దొంగతనం చేసినవారు, వారికి సాయం చేసినవారు.. ఆ బాలాజీ కోపానికి గురికాక తప్పదన్నారు. మనం ఇప్పటికీ కోహినూర్ వజ్రం కోసం పోరాడుతున్నాము. అలాంటిది తిరుమలేశుని గులాబీ డైమండ్, ఇతర విలువైన ఆభరణాలు చోరీకి గురైతే.. అధికార, ప్రతిపక్ష పార్టీలు ఎందుకు పట్టించుకోవడం లేదని ప్రశ్నించారు. దీనిపై సీబీఐ దర్యాప్తు కోసం ఇరుపార్టీలు కోరేవరకు ఈ విషయాన్ని వదిలిపెట్టనని పవన్ అన్నారు. రమణ దీక్షితులు చేస్తున్న పోరాటానికి మద్దతు తెలుపుతున్నానన్నారు.

Leave A Reply

Your email address will not be published.