దీపావళి ఆంక్షలు.. ఉల్లంఘాస్తే చర్యలు.. సీపీ శాండిల్య | restrictions on deewali celebrations| crakers| night

posted on Nov 11, 2023 9:43AM

దీపావళి పండుగ సందర్భంగా బాణసంచా కాల్పులపై హైదరాబాద్​ పోలీస్​ కమిషనర్​ సందీప్​ శాండిల్య కీలక నిర్ణయం తీసుకున్నారు. హైదరాబాద్, సికింద్రాబాద్ జంట నగరాల్లో భారీ శబ్ధాలు చేసే బాణాసంచ కాల్చడంపై నిషేధం విధించారు.

సుప్రీంకోర్టు ఆదేశాల మేరకు మహానగర ప్రజల ఆరోగ్యం, శాంతిభద్రతలను దృష్టిలో ఉంచుకుని ఈ నిబంధనలు అమలు చేస్తున్నామని సీపీ పేర్కొన్నారు. జనసంచారం ఎక్కువ ఉన్న ప్రదేశాల్లో క్రాకర్స్ కాల్చడాన్ని పూర్తిగా నిషేధించినట్లు పేర్కొన్న ఆయన రాత్రి 8 గంటల నుంచి రాత్రి 10 గంటల మధ్య మాత్రమే శబ్ధం చేసే క్రాకర్స్ కాల్చాలని సూచించారు.

నవంబర్ 12వ తేదీ ఉదయం 6 గంటల నుంచి నవంబర్ 15వ తేదీ ఉదయం 6 గంటల మధ్య ఈ ఆంక్షలు అమలు అవుతాయని శాండిల్య తెలిపారు. ఆంక్షలు ఉల్లంఘించిన వారిపై కఠిన చర్యలు తప్పవని హెచ్చరించారు.