ChatGPT : చాట్‌జీపీటీ-5 తో మాట్లాడగలరా? వినగలరా?.. ఇది ఇక సాధ్యమే.!
ChatGPT : ఎఆర్ఎన్‌టి చాట్‌బాట్ రంగంలో ఒక కీలక అడుగుగా, ప్రముఖ ఆర్టిఫిషియల్ ఇంటెలిజెన్స్ సంస్థ ఓపెన్‌ఏఐ తాజాగా తన కొత్త వెర్షన్ చాట్‌జీపీటీ-5 (GPT-5) ను విడుదల చేసింది. “GPT-5 రచన, పరిశోధన, విశ్లేషణ, కోడింగ్, సమస్యల పరిష్కరణలో అద్భుతంగా రాణిస్తుంది” అని ఓపెన్‌ఏఐ సీఈఓ సామ్ ఆల్ట్‌మన్ ప్రకటించారు. ఈ తాజా వెర్షన్ గత వెర్షన్లతో పోలిస్తే మరింత శక్తివంతమైన ఫీచర్లతో పాటు వినియోగదారుల అనుభవాన్ని మెరుగుపరిచే కొత్త తీరుతో అందుబాటులోకి వచ్చింది.
GPT-5 లో ముఖ్యమైన ఫీచర్లు ఇవే:
అద్భుతమైన రచనా సామర్థ్యం : కథలు, వ్యాసాలు, నివేదికలు, ప్రకటనలు వంటి పలు రకాల రచనల్ని GPT-5 అత్యంత సహజంగా, నాణ్యతతో రూపొందించగలదు.
విస్తృత పరిశోధనా సామర్థ్యం : వాస్తవ సమాచారం ఆధారంగా లోతైన విశ్లేషణను అందించగలుగుతుంది.
అప్‌గ్రేడ్ అయిన కోడింగ్ స్కిల్స్ : GPT-5 ఇప్పుడు మరింత శక్తివంతమైన ప్రోగ్రామింగ్ సామర్థ్యాలను కలిగి ఉంది. వివిధ భాషలలో కోడ్ రాయడం, బగ్స్ గుర్తించడం, సొల్యూషన్స్ ఇవ్వడం మరింత సమర్థవంతంగా చేస్తుంది.
అప్‌గ్రేడ్ అయిన వాయిస్ మోడ్ : GPT-5 తో వాయిస్ ద్వారా చాట్ చేసే విధానాన్ని మెరుగుపరచారు. స్వరంలో సహజత్వం, స్పందన వేగం మెరుగయ్యాయి.
చాట్ కలర్ కస్టమైజేషన్ : వినియోగదారులు ఇప్పుడు తమ చాట్ ఇంటర్‌ఫేస్ రంగును స్వేచ్ఛగా మార్చుకోవచ్చు.
గమనించేలా ఆలోచన విధానం నియంత్రణ : వినియోగదారులు GPT-5 కి తాము కోరుకున్న ప్రాసెసింగ్ శైలి చెప్పే అవకాశాన్ని పొందుతున్నారు. అంటే, ఇది ఎలా ఆలోచించాలి, ఎలా స్పందించాలి అనే విషయంలో నియంత్రణ వినియోగదారుల చేతిలో ఉంటుంది.
GPT-5 ద్వారా ఓపెన్‌ఏఐ మానవ మేధస్సుకు దగ్గరగా ఉన్న అభిప్రాయాలను, సమస్య పరిష్కరణ తీరును మరింత సహజంగా, గమ్మత్తుగా అందించగలగడం సాధ్యమవుతోంది. ఇది వ్యక్తిగత సహాయకుడిలా, కోడింగ్ ట్యూటర్‌లా, రచయితల సహాయకుడిలా, లేదా డేటా అనలిస్టుగా మారగల సామర్థ్యం కలిగిన నూతన జనరేషన్ ఎఐ టూల్.