Microsoft will soon end support for its popular operating system Windows 10

మైక్రోసాఫ్ట్ త్వరలో దాని ప్రసిద్ధ ఆపరేటింగ్ సిస్టమ్ విండోస్ 10 కి సపోర్ట్ ను ముగించనుంది. అక్టోబర్ 14, 2025 నుంచి విండోస్ 10 ఇకపై భద్రతా అప్ డేట్స్, ఫీచర్ అప్ డేట్స్ లేదా టెక్నికల్ సపోర్ట్ ను పొందదని కంపెనీ ఇప్పటికే ధృవీకరించింది. దీని అర్థం ఇప్పటికీ వారి ల్యాప్‌టాప్‌లలో విండోస్ 10 ని ఉపయోగిస్తున్న వారు విండోస్ 11 కి అప్‌గ్రేడ్ చేయాల్సి ఉంటుంది. భారతదేశంలోని లక్షలాది కంప్యూటర్లలో విండోస్ 10 ఇప్పటికీ నడుస్తుందని.

విద్యార్థులు, చిన్న వ్యాపారాలు, పాత హార్డ్‌వేర్ ఉన్న వినియోగదారులు ముఖ్యంగా విండోస్ 10 ని ఉపయోగించడం కొనసాగించే అవకాశం ఉంది. అయితే, మద్దతు ముగియడంతో, అటువంటి వ్యవస్థలు భద్రతా ప్రమాదాలు, సైబర్ దాడులకు గురయ్యే అవకాశం ఉంది. వినియోగదారులు కోరుకుంటే విండోస్ 10 ని ఉపయోగించడం కొనసాగించవచ్చని మైక్రోసాఫ్ట్ కూడా చెబుతోంది, కానీ అలా చేయడం “వారి స్వంత బాధ్యత” అని తెలిపింది.

విండోస్ 10లోనే కొనసాగాలనుకునే వారి కోసం, మైక్రోసాఫ్ట్ ఇప్పటికే ఎక్స్‌టెండెడ్ సెక్యూరిటీ అప్‌డేట్స్ (ESU) ప్రోగ్రామ్‌ను ప్రకటించింది. ఈ ప్రోగ్రామ్ కింద, వినియోగదారులు అక్టోబర్ 13, 2026 వరకు మరో సంవత్సరం పాటు సెక్యూరిటీ అప్ డేట్స్ ను స్వీకరించడానికి $30 లేదా సుమారు రూ. 2,550 చెల్లించాలి. అయితే, భారత్ లో ఖచ్చితమైన ధర ప్రకటించలేదు. ఈ ప్రోగ్రామ్ నిర్దిష్ట భద్రతా ప్యాచ్‌లను అందిస్తుంది. ఇందులో కొత్త ఫీచర్లు లేదా అప్‌గ్రేడ్‌లు ఏవీ ఉండవు. మొత్తంమీద, మీరు ఇప్పటికీ Windows 10ని ఉపయోగిస్తుంటే, సకాలంలో Windows 11కి అప్‌గ్రేడ్ చేయడం లేదా ESU ప్రోగ్రామ్ తీసుకోవచ్చని నిపుణులు సూచిస్తున్నారు.